Gáisi álggaha hávskes sámegielkurssa Moskaluovttas, duodjesearvvi stobus čakčamánus ja golggotmánus 2023. Mii deaivvadit gaskavahkuid dii. 17.00–20.00, vuosttaš geardde gask. 6.09 dii. 17.00. Dasa lassin leat 3 lávvordaga: 16.09, 7.10 ja 21.10 dii. 10.00–16.00.

Kursa heive dutnje gii máhtát jo veaháš sámegiela. Mii guldalit, lohkat, oahppat ođđa sániid ja hárjehallat hupmat dábálaš áššiid birra. Don oahpat eanet grammatihka ja mii áigut speallat spealuid, atnit sámi mediaid ja digitála veahkkeneavvuid, omd. sátnegirjjiid. Vahkkoloahpaid áigut duddjot ja málestit – mii mearridit doaimmaid ovttas.

Jus dus leat gažaldagat, čále e-poastta dahje riŋge Katarzyna tlf. 92693683. Oaidnaleapmái!