Gáisi lágida davvisámegiela álgokursa áigodaga 07.02-30.05 2023. Johnny Skoglund lea kursaoahpaheaddji ja oahpaha digitálalaččat oktii vahkus. Kursaeahkediid buohkat deaivvadit oktasaš luohkkálanjas. Johnny lassiin leat mis gávcci giellamentora. Sii leat studeantat geat hálddašit sámegiela, ja sin bargu lea doarjut kursaohppiid ja Johnny.

Kursas leat 16 saji. Oahppit leat juhkkon njealji jovkui, guokte giellamentora juohke joavkkus. Joavkkut deaivvadit ieža oktii vahkkui, kursaeahkediid lassiin. Joavkkuid ulbmil lea ráhkadit oadjebas giellaarena ođđa sámegielohppiide. Oahppit besset oahpásnuvvat earáiguin geat leat maid oahppame giela, sii oahpásnuvvet mentoriiguin geat jo máhttet sámegiela, ja sii besset ovttasbargat ja oažžut oadjebas arena gos besset geahččaladdat ja oahppat. Dán bokte lea álkit kursa maŋŋel maid joatkit hárjehallat ja oahppat sámegiela.

Gáisi lágiida muđui maid doaimmaid mat leat rabas buohkaide. Gáissi doaimmat galget maid leat giellaarena sihke álgodási sámásteddjiide ja sidjiide geat juo hálddašit sámegiela. Kursaoahppit leat bures boahtin searvat min vahkkosaš doaimmaide, ovdamearkka dihte Sámástánsávdnjái, Crosstrainingai, Duodjeeahkedii ja eará doaimmaide maid lágidit dađistaga.

Leatgo gažaldagat? Váldde oktavuođa! Elina Johansen Ijäs