Gáisi lágida davvisámegiela álgokursa áigodaga 03.04-28.05 2024. Ánte Mihkkal Gaup lea kursaoahpaheaddji ja mii dievadat oktasaš luohkálanjas. Mis lea giellamentora geat hálddašit sámegiela, ja sin bargu lea doarjut kursaohppiid ja Ánte Mihkkala.

Oahppit leat juhkkon njealji jovkui, guokte giellamentora juohke joavkkus. Joavkkut deaivvadit ieža oktii vahkkui, kursaeahkediid lassiin. Joavkkuid ulbmil lea ráhkadit oadjebas giellaarena ođđa sámegielohppiide. Oahppit besset oahpásnuvvat earáiguin geat leat maid oahppame giela, sii oahpásnuvvet mentoriiguin geat jo máhttet sámegiela, ja sii besset ovttasbargat ja oažžut oadjebas arena gos besset geahččaladdat ja oahppat. Dán bokte lea álkit kursa maŋŋel maid joatkit hárjehallat ja oahppat sámegiela.

Gáisi lágiida muđui maid doaimmaid mat leat rabas buohkaide. Gáissi doaimmat galget maid leat giellaarena sihke álgodási sámásteddjiide ja sidjiide geat juo hálddašit sámegiela. Kursaoahppit leat bures boahtin searvat min vahkkosaš doaimmaide, ovdamearkka dihte Sámástánsávdnjái, Crosstrainingai, Duodjeeahkedii ja eará doaimmaide maid lágidit dađistaga.

Leatgo gažaldagat? Váldde oktavuođa! Anna Linnea Varsi