Su ođđaseamos barggus, Jaevriegaske – Landet mellom to sjøer, lea Marja Mortensson viežžan inspirašuvnna basi váriin ja fámolaččat govvosiin. Jogat, mearat, ábit ja govvosat sáhtit háddjet dahje čatnat min oktii. Otná servvodagas mii eallit dainna lágiin ahte mis lea baggu seailut dan mas mis lea váimmustis: čázit, luondu, eallit, biepmu, kultuvra ja olmmošlaš oktavuohta nuppi nuppiin. Dál lea eanet go dušše álddagas mii bávkala váriin ja mis lea garra rahčamuš suodjalit luonddu, ođđa sisabahkkemiid vuostá.

Marja čállá teavsttaid lullisámegillii, su váibmogiella. Dat lea su vuohki ovdánahttit su dáiddalaš giela ja son lea maid dihtomielalaš válljen dan vuoi beassá seailudit giela ja ovddidahttit dan boahttevaš buolvvaide. Lea vearditmeahttun bargu masa bidju erenomáš fámut beaivvis beaivái. Vuohki mo musihka ja melodiijat leat hábmejuvvon leat čatnon oktii barggu čálalaš fáttáin. Muitalan- ja juoiganárbevieruin sámis leat dávjá čihkkon oaivilat. Jus eai buot sánit leat áddehahtti juste dál, de mii juogadit goitge dan duohtavuođa ahte mii leat dás, sihke gielas ja musihkas.

Jaevrigaske bargui lea Marja viiddidan su trio ovttasbargguin Romssa gitarista Kristian Olstadain, guhte dievasmahttá gelddolaš šuoŋalaš beali musihkkii. Su bistevaš mielmusihkkárat, Jakop Janssønn ja Daniel Herskedal ivdneba barggu sudno erenomáš musihkalašvuođain ja čuojanasmáhtuin.

Oasálaččat‍

Marja Mortensson – juoigan, lávlun ja komposišuvdna
Daniel Herskedal – tuba ja bássabáson
Jakop Janssønn – rumbbut
Kristian Olstad – gitára

Gaskaváhku, Guovvamánu 4. beaivvi, dii. 21.00, Verdensteateret

Bileahtat: Jaevriegaske | Nordlysfestivalen 2026