Gáisi tech
Áiggit rivdet ja dasto miige muddet doaimmaidet gáisi tech prošeavttain. Min mielas galggašii teknologiija geavahuvvot suohtas ja oahpolaš ládje servodagas.
Teknologiia ovdánahttá servodaga rájiid. Sihke bargu geahppu ja ástoáigi šaddá suohtaseabbot. Dasa lassin lea teknologia buorre reaidu ja veahkeneavvu. Gáisi techa lea ulbmil čáhkket sámegiela digitála ja teknologalaš arenai.
“To change something, build a new model that makes the existing model obsolete.”
― Buckminster Fuller
Minecraft
Gáisi jorgala máilmmibeakkán Minecraft spealu sámegillii. Leat olu gažaldagat maid ferte váldit háldui go jorgala spealu. Movt galgá jorgalit speallosániid? Movt galggášii doalahit vuođđospealu dovddu? Movt válddášii vuhtii metaforaid ja referansaid interneahttamáilmmis?
Sámegiela galggášii leat lunddolaš oassin interneahtas ja spealuin, danne leatge válljen jorgališgoahtit spealuid masa mánát beroštit ja spellet. Dáinna lágiin sávvat ahte olbmot ožžot rámisvuođa sámegiela badjel, ja ahte ohppet sámi sániid ja doabagiid suohtastallamiin.
Dronagirdin
Gáisi tech berošta maiddái dronegirdimii ja mis leat moadde iešguđegelágan dronat maiguin sáhttá girdit. Ovdamearkka dihte leat mis fámolaš ja jođánis racingdronat. Daid sáhttá geahččalit go mii lágidit girdineahkediid/kurssaid.
Dronegirdimis sáhttá oassálastit faláštallansuorgi mii sihke stuorru ja masa čoagganit olu olbmot iešguđegelágan kultuvrrain, gielain ja servodagain. Girdimiin nanne olmmoš sihke konsentrašuvnna, goruda refleavssaid ja mentála dearvvašvuođa. Deaddil DÁKKO oaidnit movt nášunala dásis adnojit.
Servodagas adnojit dronat dál juo boazodoalus, el-rávdnjelinnjáid iskamis, filbmaindustriijas, faláštallamis, govvemis ja filbmemis viessovuovdinfitnodagaid ovddas, ja dutkamušas. Deaddil DÁKKO oaidnit movt boazodoalus adno.
